BAYRAQDAR MEDİA – Dekabrın 27-də saat 10:45-də Dövlət Sərhəd Xidməti Sərhəd Qoşunlarının “Şəmkir” sərhəd dəstəsinin Qazaxın İkinci Şıxlı kəndi yaxınlığında yerləşən sərhəd zastavasının xidməti ərazisində iki əcnəbi şəxs saxlanılıb. Bunlar Azərbaycandan Gürcüstan istiqamətində dövlət sərhədini pozmağa cəhd göstərən Pakistan vətəndaşları olub.
Xəbəri dekabrın 28-də DSX yayıb.
“Araşdırma zamanı saxlanılan şəxslərin ölkə ərazisinə rəsmi qaydada gəlmələri, dövlət sərhədini pozaraq Azərbaycan Respublikasından Gürcüstan Respublikasına, oradan isə Avropa ölkələrindən birinə miqrasiya etmək niyyətində olduqları müəyyən edilmişdir. Fakt üzrə əməliyyat-istintaq tədbirləri davam etdirilir”, – deyə xəbərdə bildirilir.
