Cavid Aydın: Dekabrın 30-da keçiriləcək bədii-əyləncəli gecə üçün maraqlı proqram da hazırlamışıq
BAYRAQDAR MEDİA – “ Hər il olduğu kimi bu il də 31 Dekabr – Dünya Azərbaycanlılarının Həmrəyliyi Günü və Yeni illə əlaqədar bayram tədbirimiz olacaq”.
Bunu BAYRAQDAR MEDİA-ya açıqlamasında Eskişehir Azərbaycanlılar Dərnəyinin sədri Cavid Aydın deyib.
O, qeyd edib ki, bayram tədbiri dekabrın 30-da keçiriləcək: “Eskişehirdəki azərbaycanlıların, dərnəyimizin İdarə Heyətinin üzvlərinin və burada təhsil alan azərbaycanlı tələbələrin iştirakı ilə gerçəkləşəcək bədii-əyləncəli gecə üçün maraqlı proqram da hazırlamışıq”.
C.Aydının sözlərinə görə, bayram tədbirində təbrik çıxışları olacaq və musiqilər dinlənəcək: “Ümumiyyətlə bu bayram tədbiri də maraqlı məqamlarla yadda qalsın”.
