Bakı Avrasiya Universitetində bu mövzuda tədbir keçirilib
BAYRAQDAR MEDİA – Bakı Avrasiya Universitetində “Qloballaşma dövründə milli-mənəvi dəyərlərin qorunması” adlı tədbir keçirilib. Tədbir Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin və Gəncliyə Yardım Fondunun dəstəyi ilə “Dialoq və İnkişaf Naminə” İctimai Birliyi (DİNİB) tərəfindən keçirilib.
Bu barədə BAYRAQDAR MEDİA-ya İctimai Birlikdən məlumat verilib.
Bildirilib ki, dövlət himninin səsləndirilməsi ilə başlayan tədbirdə Azərbaycanın azadlığı uğrunda canlarından keçən şəhidlərin ruhu bir dəqiqəlik sükutla yad edilib.
Sonra Bakı Avrasiya Universitetinin rektor köməkçisi Şəfayət Əliyev çıxış edib. O, belə marifləndirici tədbirilərin gənclərin həyatında mühim rol oynadığını qeyd edib.
Çıxış edən “Dialoq və İnkişaf Naminə” İctimai Birliyinin sədri Çingiz Bayramov layihənin əhəmiyyətindən danışıb. Milli dövlətçilik və milli-mənəvi dəyərlərin vacibliyindən söz açan Ç.Bayramov Azərbaycan xalqının bu günədək məhz milli-mənəvi dəyərlərinə bağlılığı sayəsində özünün mövcudluğunu, milli özünəməxsusluğunu qoruyub saxlaya bildiyini diqqətə çatdırıb.
Tədbirdə həmçinin İlahiyyat İnstitunun İslamşünaslıq Kafedrasının müdiri Dr. Əhməd Niyazov, Gəncliyə Yardım Fondunun İctimaiyyətlə əlaqələr şöbəsinin müdiri Dr. Eldar Kərimov, DİNİB-in İdarə Heyətinin üzvləri Vidadi Məmmədov və Günay Hacıyeva çıxış ediblər: “Çıxışlarda gənclərin milli-mənəvi dəyərlərinin inkişafının, milli məfkurəmizin gələcək nəsillərə ötürülməsinin, xalqımızın tarixi azərbaycançılıq ideyalarının daha da inkişaf etdirilməsinin əhəmiyyətindən danışılıb”.
