BAYRAQDAR MEDİA – Astanada Mərkəzi Asiya Media Forumu keçirilib. Forumda Beynəlxalq Türk Mədəniyyəti və İrsi Fondunun Prezidenti Günay Əfəndiyeva da iştirak edib.
Bu barədə BAYRAQDAR MEDİA-ya Fonddan məlumat verilib.
Bildirilib ki, Forumun açılışında Qazaxıstanın mətbuat və sosial inkişaf naziri Darxan Kıdırali, bu ölkənin dövlət müşaviri Yerlan Karin, Qırğızıstanın dövlət katibi Suyinbek Kasmambetov, Türkiyənin 11-ci prezidenti Abdullah Gül, Monqolustanın 3-cü prezidenti Nambarın Enkbayar çıxış ediblər.
Qeyd olunub ki, iki gün ərzində regional identikliyin ölçülməsi, yeni medianın inkişafı, süni intellekt texnologiyaları, Mərkəzi Asiyada yaradıcı sənayelərin gələcəyi, eləcə də informasiya təminatı üçün regional və qlobal əməkdaşlıq imkanları kimi məsələlər müzakirə edilib.
