BAYRAQDAR MEDİA – Bakı Gənclər Mərkəzi daha bir tədbirə ev sahibliyi edib. Belə ki, mərkəzdə “Uğurlarımızla 2023-ə” milli mükafatının təqdimat mərasimi və “Qış möcüzələri” adlı sərgi keçirilib.
Layihə rəhbəri Elnurə İsgəndərova olan tədbir Bakı Gənclər Mərkəzinin, “A Media Group”un, Abşeron Gənclərin İnkişafı İB-nin, “E MEDİA Group”un dəstəyi ilə keçirilib.
Tədbiri giriş sözü ilə açan E.İsgəndərova iştirakçılara 2023-cü ildə uğurlar arzulayıb. Sonra şəhidlərin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib.
E.İsgəndərovanın BAYRAQDAR MEDİA-ya veridyi məlumata görə, tədbirin fəxri qonaqları arasında millət vəkili Vüqar İsgəndərov, Bakı Gənclər Mərkəzinin direktoru Nərgiz Babayeva, Xalq rəssamı, professor Arif Hüseynov, Əməkdar artist Elza Seyidcahan, Əməkdar artist, skripka ifaçısı Səlim Abbasov, respublika və beynəlxalq müsabiqələr laureatı kaman ifaçısı Şəhriyar Musayev də olub.
Çıxışlardan sonra təqdimetmə mərasimi keçirilib. Tədbir 150 müxtəlif yaş qruplarından olan rəssamların əsərlərindən ibarət “Qış möcüzələri” adlı sərginin nümayişi və bədii hissə ilə davam edib.
