Son yeniləmə: 21 Dekabr 2022 14:17
BAYRAQDAR MEDİA – Azərbaycanın müdafiə naziri general-polkovnik Zakir Həsənov dekabrın 21-də Türkiyədə Gürcüstanın müdafiə naziri cənab Cuanşer Burçuladze ilə görüşüb.
Müdafiə Nazirliyindən BAYRAQDAR MEDİA-ya verilın məlumata görə, ikitərəfli görüşdə ölkələrin ərazi bütövlüyünün qarşılıqlı şəkildə dəstəklənməsinin vacibliyi qeyd edilib. Həmçinin, ikitərəfli hərbi əməkdaşlığın inkişafının bölgədə sabitliyin və təhlükəsizliyin təmin olunmasına töhfə verəcəyi bildirilib.
Məlumata əsasən, tərəflər Azərbaycan və Gürcüstan arasında müdafiə sahəsində əməkdaşlığın yüksələn xətlə inkişaf etdiyini xüsusi vurğulayıblar: “Görüşdə ölkələrimiz arasında hərbi əməkdaşlığın müxtəlif sahələri üzrə ətraflı fikir mübadiləsi aparılıb, regional təhlükəzislik və qarşılıqlı maraq doğuran digər məsələlər müzakirə edilib”.
