BAYRAQDAR MEDİA – Çernoqoriyanın Baş naziri Dritan Abazoviç deyib ki, Prezident Milo Cukanoviç parlamenti buraxmaq səlahiyyətinə malik deyil.
Bu barədə Balkan News məlumat yayıb.
Məlumata əsasən, D.Abazoviç, mətbuat konfransında M.Cukanoviçin parlamenti buraxacağına dair iddiaları dəyərləndirib.
M.Cukanoviçin Konstitusiyaya görə belə bir səlahiyyətə malik olmadığını bildirən D.Abazoviç, “Konstitusiyamız kifayət qədər aydındır, M.Cukanoviçin belə bir səlahiyyəti yoxdur. Əgər o, sentyabr ayında Miodraq Lekiçə hökuməti qurmaq mandatını vermiş olsaydı və bunun üstündən 90 gün keçmiş olsaydı bu səlahiyyətə sahib ola bilərdi” deyib.
