Son yeniləmə: 20 Dekabr 2022 15:25
BAYRAQDAR MEDİA – 2022-ci ildə Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin Həssas əhali qruplarından olan şəxslər üçün Sığınacaq və Sosial Reabilitasiya Müəssisəsinə 178 nəfər qəbul olunub.
Bu barədə BAYRAQDAR MEDİA-ya dekabrn 20-də nazirliyin İctimaiyyətlə əlaqələr şöbəsindən məlumat verilib.
Məlumata əsasən, həmin şəxslər yaş qruplarına uyğun müəssisənin müvafiq bölmələrinə qəbul ediliblər: “Onlardan bir hissəsi müəssisədə artıq sosial reabilitasiya kursunu başa vurub. Hazırda burada 45-i qadın, 58-i kişi olmaqla 103 sakinə stasionar şəraitdə reabilitasiya yönümlü sosial xidmətlər davam edir. Onlardan 39-u uşaqlardır. Ötən il qəbul olunan şəxslər də daxil olmaqla bu il müəssisədə 300-ə yaxın şəxsə sosial xidmətlər göstərilib”.
