BAYRAQDAR MEDİA – Azərbaycan, Türkiyə və Türkmənistan dövlət başçılarının üçlü Zirvəsinin sonuclarından duyduğumuz böyük məmnuniyyəti ifadə etmək istəyirəm. Bu Zirvə üç qardaş xalqın bir araya gələrək aralarındakı bağları gücləndirmək və türk dünyasının daha parlaq bir gələcəyə sahib olması yönündə gerçəkləşdirilən çalışmaları dəstəkləmək üçün çox önəmli bir fürsət təşkil etməkdədir.
Bu sözlər Türk Dövlətləri Təşkilatının Baş katibi Kubanıçbek Ömüralıyevin dekabrın 14-də qardaş Türkmənistanın Türkmənbaşı şəhərində keçirilmiş Azərbaycan, Türkiyə və Türkmənistan dövlət başçılarının Zirvə görüşüylə bağlı açıqlamasındandır.
Açıqlamada daha sonra deyilir: “Azərbaycan, Türkiyə və Türkmənistan liderləri arasında varılan anlaşmalar və ticarət, mədəniyyət, enerji, nəqliyyat kimi sahələrdə imzalanan çeşidli sənədlər, heç şübhəsiz, TDT çətiri altındakı əhatəli iş birliyimizin daha da güclənməsinə və qarşılıqlı dəstəyin artmasına qatqıda bulunacaqdır.
Azərbaycan, Türkiyə və Türkmənistan arasındakı münasibətlərin genişlənməsi qardaş dövlətlərimiz arasında hazırda mövcud olan güclü həmrəyliyi yaxşılaşdırmağa xidmət edəcək və şübhəsiz ki, bütün türk dünyasını birləşdirmə və bütünləşdirmə sürəcində irəliyə doğru atılmış çox önəmli bir addım oluşduracaqdır.
