Son yeniləmə: 15 Dekabr 2022 15:42
Qax Dövlət Kukla Teatrı “Milli klassika” festivalında bu tamaşa ilə təmsil olunub
BAYRAQDAR MEDİA – Dekabrın 10-dan 16-dək Azərbaycan Teatr Xadimləri İttifaqının təşkilatçılığı ilə “Milli klassika” adlı teatr festivalı keçirilir. Teatr Xadimləri İttifaqının yaranmasının 125 illiyi münasibətilə təşkil olunan Festivalda 11 teatr və 1 təhsil ocağı, ümumilikdə 13 tamaşa ilə iştirak edir.
Festivalın keçirilməsində əsas məqsəd Azərbaycan teatrının bu gününə nəzər salmaq, milli mədəniyyət məkanında baş verən yaradıcılıq proseslərini fəallaşdırmaqdan ibarətdir.
Qeyd edək ki, festivalda iştirak edən teatrlar arasında Qax Dövlət Kukla Teatrı da var. Teatr dekabrın 11-də tamaşaçılara “O olmasın, bu olsun” tamaşasını təqdim edib.
Bu barədə BAYRAQDAR MEDİA-ya tetardan məlumat verilib.
Bildirilib ki, əvvəlki illərdə də teatrın repertuarında olmuş bu tamaşaya yenidən müraciət edilməsi heç də təsadüfi deyil. 2022-ci ilin Şuşa İli olduğunu nəzərə alan Qax Dövlət Kukla Teatrı Festivala məhz “O olmasın, bu olsun” tamaşası ilə qatılmağa qərar verib.
O da qeyd edilib ki, tamaşanın quruluşçu rejissoru Azərbaycanın Əməkdar artısti, teatrın baş rejissoru Yusif Abdurahmanovdur.
