Son yeniləmə: 14 Dekabr 2022 14:45
BAYRAQDAR MEDİA – Prezident İlham Əliyev dekabrın 14-ü səhər saatlarında qardaş Türkmənistanın Türkmənbaşı şəhərinə gəlib.
Bu haqda xəbəri Prezidentin Mətbuat xidməti yayıb.
Xəbərdə deyilir ki, dövlət başçısı burada Türkmənistan, Azərbaycan, Türkiyə dövlət başçılarının zirvə görüşündə iştirak edəcək.
Azərbaycan Prezidentini Türkmənbaşı hava limanında fəxri qarovulun müşayiəti ilə Türkmənistan Nazirlər Kabineti sədrinin müavini, xarici işlər naziri Rəşid Meredov qarşılayıb.
O da bildirilir ki, İ.Əliyevi birinci xanım Mehriban Əliyeva da müşayiət edir.
Əlavə edək ki, dekabrın 13-ü gecə saatlarında qardaş Türkiyənin Cümhurbaşqanı Recep Tayyip Erdoğan da Türkmənbaşı şəhərinə gəlib.
Cumhurbaşkanı @RTErdogan, Türkiye-Azerbaycan-Türkmenistan Devlet Başkanları Zirvesi’ne katılmak üzere gittiği Türkmenistan’ın Türkmenbaşı kentine ulaştı. pic.twitter.com/RaQlwiztEY
— T.C. Cumhurbaşkanlığı (@tcbestepe) December 13, 2022
Az öncə bəlli olub ki, Türkiyə Cümhurbaşqanı Türkmənistanlı həmkarı Serdar Berdımuhamedovla görüşüb.
Cumhurbaşkanımız @RTErdogan, Türkmenistan Devlet Başkanı Berdimuhammedov ile bir araya geldi. pic.twitter.com/stosGpHWPW
— T.C. İletişim Başkanlığı (@iletisim) December 14, 2022
