BAYRAQDAR MEDİA – Dekabrın 13-də Prezident İlham Əliyev Paşayeva Nərgiz Arif qızının “Şərəf” ordeni ilə təltif edilməsi haqqında Sərəncam imzalatyıb.
Xəbəri Prezidentin Mətbuat xidməti yayıb.
Sərəncamda deyilir ki, N.Paşayeva “Azərbaycan Respublikasında elm və təhsilin inkişafında böyük xidmətlərinə görə” təltif edilir.
Qeyd edək ki, dekabrın 13-ü həm də N.Paşayevanın doğum günüdür. Bu gün onun 60 yaşı tamam olur.
N.Paşayeva filologiya elmləri doktoru, professordur. O, M.V.Lomonosov adına Moskva Dövlət Universitetinin Bakı filialının rektoru, Azərbaycan Milli Elmlər Akademiyasının Vitse-Prezidentidir. N.Paşayeva AMEA-nın həqiqi üzvü, İngiltərə-Azərbaycan Cəmiyyətinin həmsədri, Oksford Universitetinin Nizami Gəncəvi adına Azərbaycan və Qafqazşünaslıq Elmi Mərkəzinin Azərbaycan tərəfdən rəhbəridir.
