BAYRAQDARM MEDİA – Bakıda 3-4 dekabr tarizlərində Malayziya Təhsil Sərgisinin keçiriləcəyi barədə məlumat vermişdik.
Beləliklə, dekabrın 3-də təhsil sərgisinin açılış mərasimi keçirilib. Açılış mərasimində bəyan edilib ki, sərgidə Malayziyanın nüfuzlu və dünya standartlarına cavab verən 10-a yaxın dövlət və özəl universiteti iştirak edir.
Vurğuanıb ki, iki gün davam edəcək təhsil sərgisində azərbaycanlı tələbələr Malayziyanın nüfuzlu universitetlərində təhsil imkanı, həmçinin təhsil aldıqları müddətdə bir çox təqaüd proqramları, məzun olduqdan sonra isə bu ölkədə praktika keçmək şansları haqqında ətraflı məlumat əldə edə bilərlər.
Açılış mərasimində Malayziya səfirliyini müvəqqəti işlər müdiri Mardiana Muhammed Ruhani də iştirak edib. O, jurnalistlərə açıqlamasında bildirib ki, Malayziya təhsil keyfiyyəti baxımından dünya ölkələri sırasında 11-ci yeri tutur.
Qeyd olunub ki, 590-a yaxın universitetin olduğu Malayziyada 162 ölkədən tələbə təhsil alır. Bu ölkədəki dövlət universitetlərində təhsil haqqı 2 min ABŞ dollarından başlayır
Müvəqqəti işlər müdirinin sözlərinə görə, Malayziyada ali təhsil almaq istəyənlər üçün təqaüd imkanları mövcuddur: “Azərbaycanlı tələbələrə isə Malayziyada 20 faiz ilkin endirim və 50 faizədək təqaüd imkanları təklif edilir. Hazırda müraciət edən tələbələrin qeydiyyat xərclərinə 90 faiz endirim olacaq”.
Onu da bildirək ki, iki gün ərzində sərgiyə böyük maraq göstərilib.