BAYRAQDAR MEDİA – Noyabrın 28-də Prezident İlham Əliyev ABŞ Dövlət Departamentinin Qafqaz danışıqları üzrə baş müşaviri Filip Rikeri qəbul edib.
Xəbəri Prezidentin Mətbuat xidməti yayıb.
ABŞ dövlət katibi Entoni Blinkenin salamlarını Prezidentə çatdıran F.Rikerə təşəkkür edən İ.Əliyev onun da salamlarını E.Blinkenə çatdırmağı xahiş edib.
“Görüşdə Ermənistanla Azərbaycan arasında münasibətlərin normallaşdırılması, sülh müqaviləsi üzrə danışıqların aparılması ilə bağlı xarici işlər nazirləri səviyyəsində Vaşinqtonda keçirilmiş görüş ətrafında fikir mübadiləsi aparıldı”, – deyə xəbərdə bildirilir.
Daha sonra qeyd edilir ki, E.Blinkenin Ermənistanla Azərbaycan arasında münasibətlərin normallaşdırılması prosesini daim diqqətdə saxlaması yüksək qiymətləndirilib.
Bu görüş haqqında ABŞ-ın Azərbaycandakı səfirliyi də sosial media hesabında paylaşım edib.
ABŞ-ın Qafqaz danışıqları üzrə baş məsləhətçi səfir Riker prezident Əliyevlə görüşərək ABŞ-ın sülh prosesinə dəstəyini müzakirə edib və hər iki tərəfin danışıqlarda mövcud olan impulsu qorumaqlarının vacibliyini vurğulayıb. pic.twitter.com/5duDYPQ7p7
— U.S. Embassy Baku (@USEmbassyBaku) November 28, 2022
ABŞ səfirliyi eyni zamanda məlumat yayıb ki, F.Riker gün ərzində xarici işlər naziri Ceyhun Bayramovla da görüşüb. Səfirlik F.Rikerin Azərbaycanla Ermənistan arasında birbaşa danışıqlara ABŞ-ın dəstəyini davam etdirdiyini vurğuladığını yazıb.
ABŞ-ın Qafqaz danışıqları üzrə baş məsləhətçi səfir Riker xarici işlər naziri Bayramovla görüş zamanı Azərbaycan və Ermənistan davamlı sülh sazişi üzərində çalışarkən birbaşa danışıqlara ABŞ-ın dəstəyini davam etdirdiyini vurğulayıb. pic.twitter.com/0T6gEGZKX2
— U.S. Embassy Baku (@USEmbassyBaku) November 28, 2022
