Son yeniləmə: 24 Noyabr 2022 11:31
BAYRAQDAR MEDİA – Noyabrın 24-də, saat 12:00-da Kiçik və Orta Biznesin İnkişafı Agentliyinin (KOBİA) təşkilatçılığı ilə təhsil, elm, tədqiqat və dəstək layihələrinin maliyyələşdirilməsi ilə bağlı III qrant müsabiqəsinə dair məlumatlandırıcı vebinar keçiriləcək.
KOBİA-dan verilən məlumata görə, tədbirin təşkilində məqsəd müsabiqənin şərtləri, lazım olan sənədlər və layihələrin qiymətləndirilməsi prosesi barədə KOB subyektlərini məlumatlandırmaq, onları maraqlandıran sualları cavablandırmaqdır.
Qeyd edilib ki, mikro, kiçik və orta sahibkarlığın inkişafı ilə əlaqədar təhsil, elm, tədqiqat və dəstək sahələri üzrə layihələrin maliyyələşdirilməsinə dair KOBİA tərəfindən elan edilmiş müsabiqəyə sənəd qəbulu 14 dekabr saat 18:00 tarixində başa çatır: “Hər bir layihə üzrə maliyyələşdirilmə məbləği 20 min manata qədərdir. Müsabiqə ilə bağlı ətraflı məlumatı buradan əldə etmək olar”.
