Almaniyada Güney Azərbaycanlı fəala hücum edilib

Yazar: Nadir Azəri - Əməkdar jurnalist. Tarix: 24 Noyabr 2022 17:27

Dr. Nurəddin Qərəvi

Son yeniləmə: 24 Noyabr 2022 19:54

BAYRAQDAR MEDİA – “Noyabrın 24-də Almaniyada çox təəssüfedici bir hadisə yaşanıb. Güney Azərbaycanın tanınmış milli-siyasi fəallarından biri Dr. Nurəddin Qərəvi Bonn şəhərində yerləşən evində hücuma məruz qalıb. Ona çoxsaylı bədən xəsarətləri yetiriblər”.

Bu barədə BAYRAQDAR MEDİA-ya Güney Azərbaycan Milli Qurtuluş Hərəkatının sədri, hazırda İsveçdə yaşayan Eldar Qaradağlı məlumat verib.

O, bildirib ki, Dr. Nurəddin Qərəvi “Ana dili” qəzetinin qurucusu və həyatını Güney Azərbaycanın azadlığına həsr etmiş bir görkəmli şəxsdir: “Hazırda hadisənin terror aktı olub-olmaması araşdırılır. Güney Azərbaycan Milli Qurtuluş Hərəkatı adından Nurəddin bəyə “keçmiş olsun” deyirik. Əminik ki, cinayətkarlar tezliklə tapılıb, layiqli cəzalarını alacaqlar”.

Əlaqəli

Bölmə: GÜNEY AZƏRBAYCAN

Dr.Nurəddin Qərəvi

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »