Son yeniləmə: 24 Noyabr 2022 15:51
BAYRAQDAR MEDİA – Azərbaycan Dövlət Akademik Musiqili Teatrının dekabr repertuarı da zəngindir. Bundan başqa teatr ilin son ayında balacalar üçün də hədiyyə hazırlayıb.
Teatrdan BAYRAQDAR MEDİA-ya verilən məlumata görə, 27 dekabr 2022-ci il tarixindən – 04 yanvar 2023-cü il tarixinədək gündə dörd seans olmaqla (saat 10:30, 12:30, 14:30 və 16:30-da), maraqlı və macəra dolu “Yeni il” şənliyi nümayiş olunacaq: “Tamaşada Yeni il bayramının rəmzləri olan Şaxta baba, Qar qız və balacaların sevimli nağıl qəhrəmanları onları duzlu-məzəli söhbətləri ilə əyləndirəcək və sonda hədiyyələrlə sevindirəcəklər”.
Qeyd edilib ki, hədiyyəli biletləri şəhərin bütün teatr-konsert kassalarından, “ASAN Xidmət” mərkəzlərindən, eləcə də “İticket.az” saytından əldə etmək olar.
