BAYRAQDAR MEDİA – Balkanlarda gərginlik davam edir. Bu arada Serbiya və Kosovo rəhbərləri Brüssel görüşündə razılığa gələ bilməyiblər.
Bununla baölı məlumatda deyilir ki, Serbiya Prezidenti Aleksandr Vuçiç və Kosovonun Baş naziri Albin Kurti arasında noyabrın 21-də Brüsseldə görüş keçirilib. Avropa Birliyinin vasitəçiliyi ilə iki ölkə arasındakı gərginliyi azaltmaq məqsədilə keçirilən görüş nəticəsiz tamamlanıb. AB nümayəndəsi Cozef Borelin də iştirak etdiyi görüşdə tərəflər gərginliyi azaltmaq üçün heç bir həll yolu tapmayıb.
Məlumat üçün bildirək ki, şəxsiyyət vəsiqəsi və avtomobil nömrə nişanları ilə bağlı yaranan böhran bir müddətdir Serbiya və Kosovo arasında gərginliyə səbəb olub. Bu gərginlik isə hətta silahlı qarşıdurma həddinə qədər yüksəlib.