Press "Enter" to skip to content

TÜİB-ə yeni üzvlər qəbul edilib

Yazar: Nadir Azəri - Əməkdar jurnalist. Tarix: 21 Noyabr 2022 15:07

TÜİB-in yeni üzvlərinə üzvlük plaketi təqdim edilərkən

TÜİB-in yeni üzvlərinə üzvlük plaketi təqdim edilərkən

Son yeniləmə: 21 Noyabr 2022 15:01

BAYRAQDAR MEDİA – Türkiyə-Azərbaycan İş Adamları və Sənayeçiləri İctimai Birliyinin (TÜİB) təşkil etdiyi növbəti ənənəvi işgüzar səhər yeməyi noyabrın 20-də olub.

Bu barədə BAYRAQDAR MEDİA-ya TÜİB-dən məlumat verilib.

Qardaş Türkiyənin Azərbaycandakı səfiri Doç.Dr. Cahit Bağcı (sağda) və TÜİB başqanı Hüseyin Büyükfırat

Bildirilib ki, tədbirdə qardaş Türkiyənin Azərbaycandakı səfiri Doç.Dr. Cahit Bağcı, Kuzey Kıbrıs Türk Cümhuriyyətinin Bakı nümayəndəliyinin rəhbəri Ufuk Arca Turganer və müşaviri, Türkiyə səfirliyinin müşavirləri, TÜİB üzvləri və media mənsubları iştirak edib.

Kuzey Kıbrıs Türk Cümhuriyyətinin Bakı nümayəndəliyinin rəhbəri Ufuk Arca Turganer və nümayəndəliyin əməkdaşları

Qeyd edilib ki, səmimi və işgüzar mühitdə keçirilən ailəvi səhər yeməyi birlik üzvlərinin bir-birlərini daha yaxından tanımasına və işgüzar əlaqələrin genişlənməsinə şərait yaradıb.

Tursium Health Tourism Agency Azərbaycan nümayəndəliyinin dəstəyi ilə keçirilən tədbirin sonunda TÜİB-in yeni üzvlərinə Türkiyə səfiri Doç.Dr. Cahit Bağcı tərəfindən üzvlük plaketi təqdim edilərək, onlara uğurlar arzulanıb.

Əlaqəli

Bölmə: XƏBƏRLƏR

Türkiyə-Azərbaycan İş Adamları və Sənayeçiləri İctimai Birliyi

Nadir Azəri - Əməkdar jurnalist

BAYRAQDAR MEDİA-nın baş redaktorunun müavini, Azərbaycan Respublikasının Əməkdar jurnalisti (2013) Nadir AZƏRİ (İsmayilov Nadir Nəbi oğlu) 26 fevral 1973-cü ildə Yevlax rayonu, 2-ci Salamabad kəndində anadan olub. Bakı Sosial İdarəetmə və Politologiya İnstitutunun məzunudur. 1992-ci ildən etibarən dövri mətbuatda ilk yazıları Yevlaxın o zamankı “Təşəbbüs” (indiki “Kür”) qəzetində dərc edilib. 1995-ci ildə Gənclər və İdman Nazirliyinin mətbu orqanı olan “P.S. Gənclik” qəzetinin zona müxbiri kimi fəaliyyət göstərib. 1995-1997-ci illərdə “İki sahil”, “Panorama” və digər qəzetlərdə yazıları dərc olunub. 1997-1998-ci illərdə “Bu gün” qəzetində müxbir, baş redaktorun birinci müavini vəzifələrində çalışıb. Daha sonra “Yeni Müsavat”, “Üç nöqtə”, “Press Fakt”, “Mərkəz” və “Xəzər” qəzetlərində müxtəlif vəzifələrdə çalışıb. 2009-ci ildən 2021-ci il oktyabrın 11-dək “Yeni Azərbaycan” qəzetində şöbə redaktoru vəzifəsində çalışıb. Hazırda həm də Orta Asiya və Güney Qafqaz Söz Azadlığı Şəbəkəsi (CASCFEN) İB-in sədridir. nadir@bayraqdar.info

Yazarın başqa yazıları: Nadir Azəri - Əməkdar jurnalist

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »