Son yeniləmə: 12 Noyabr 2022 16:39
BAYRAQDAR MEDİA – Kiçik və Orta Biznesin İnkişafı Agentliyinin (KOBİA) rəhbərliyi Lökbatan qəsəbəsində yerləşən Abşeron Logistika Mərkəzində sahibkarlara logistik xidmətlər üçün yaradılmış şəraitlə tanış olublar.
Bu barədə KOBİA-dan məlumat verilib.
Bildirilib ki, 65 hektar ərazidə yerləşən mərkəzdə sahibkarlara göstərilən xidmətlər “bir pəncərə” sistemi vasitəsilə həyata keçirilir: “Abşeron Logistika Mərkəzində sahibkarlara terminal xidmətləri, yüklərin gömrük rəsmiləşdirilməsi və broker, anbar və daxili daşıma xidmətləri təqdim olunur. Ərazidə sahibkarlara logistik xidmətlərin göstərilməsi üçün müasir infrastruktur yaradılıb”.
