BAYRAQDAR MEDİA – Xəbər verdiyimiz kimi, noyabrın 11-də qardaş Özbəkistanın qədim Səmərqənd şəhərində Türk Dövlətləri Təşkilatının Zirvə toplantısı keçiriləcək.
Gələn məlumatlara görə, bu toplantıda TDT-nin Baş katibi də yenilənəcək. Bu haqda məlumatı TDT Xarici İşlər Nazirləri Şurasının noyabrın 10-da Səmərqənddə keçirilən toplantısında qardaş Türkiyənin xarici işlər naziri Mevlüt Çavuşoğlu verib.
Türk Devletleri Teşkilatı Dışişleri Bakanları Toplantısı
📍Semerkant, Özbekistan https://t.co/FTRxu3PT9H
— Mevlüt Çavuşoğlu (@MevlutCavusoglu) November 10, 2022
M.Çavuşoğlu hazırkı Baş katib Bağdad Amreyevin qurumun inkişafındakı xidmətlərini qeyd etməklə bərabər bildirib ki, yeni Baş katib Qırğızıstanın Türkiyədəki səfiri Kubanıçbek Ömüralıyev olacaq.
Qeyd edək ki, 1960-cı ildə Qırğızıstanda anadan olmuş K.Ömüralıyev yetərincə təcrübəli diplomatdır. Evli və iki uşaq atası olan diplomat ana dili olan qırğızca ilə bərabər ingilis və rus dillərində də danışır.
