Son yeniləmə: 3 Noyabr 2022 15:17
BAYRAQDAR MEDİA – Səbail rayonunun Badamdar qəsəbəsində Vətən uğrunda candan keçən şəhidlərin xatirəsini əbədiləşdirmək məqsədilə tikilmiş “Səbail Şəhidləri” abidə kompleksinin açılış mərasimi keçirilib.
Azərbaycan Dövlət Akademik Musiqili Teatrından BAYRAQDAR MEDİA-ya verilən məlumat görə, əvvəlcə şəhidlərin xatirəsi bir dəqiqəlik sükutla yad edilib, abidə kompleksinin önünə gül dəstələri düzülüb: “Səbail Rayon İcra Hakimiyyətinin (RİH) başçısı Vüqar Zeynalov, Milli Məclisin deputatları Nigar Arpadarai və Aqil Abbas, RİH başçısının müavinləri, rayonun hüquq-mühafizə orqanlarının rəhbərləri, YAP Səbail rayon təşkilatının sədri Muxtar Nağıyev, RİH-in məsul əməkdaşları, rayon ictimaiyyətinin nümayəndələri və şəhid ailələri iştirak ediblər. Tədbir Azərbaycan Dövlət Akademik Musiqili Teatrının “Bizə bir nəfəs qədər yaxınsınız” adlı ədəbi-bədii kompozisiyası ilə davam etdirilib”.
Qeyd edilib ki, rejissor Samir Qulamovun quruluşunda hazırlanan kompozisiyada tarzən Səxavət Məmmədovun müşayiəti ilə teatrın tanınmış aktyorları Gülnarə Abdullayeva, Mehriban Zaliyeva, Gülnarə Əzizova, Gültac Əlili, Səmədzadə Xasiyev, İbrahim Əlizadə, Əmrah Dadaşov çıxış ediblər: “Onların ifaları alqışlarla qarşılanıb, hər kəsdə xoş, zərif duyğular oyadıb. İştirakçılar bir daha 44 günlük müharibədə Vətən uğrunda şəhid olan igidlərimizin əziz xatirəsinə ehtiramlarını bildiriblər”.
