BAYRAQDAR MEDİA – Tovuzda əlilliyi olan gənclər və qazilərin iştirakı ilə inklüziv veloyürüş keçirilib. Tədbir Tovuzun 2022-ci il üçün Azərbaycanın “Gənclər Paytaxtı” olması çərçivəsində təşkil edilib.
Bu barədə BAYRAQDAR MEDİA-ya Azərbaycan Əlil Velosipedçilərə Dəstək İctimai Birliyindən məlumat verilib.
Məlumata əsasən, əsas məqsədi əlilliyi olan gənclərin para-velosiped idman növünə cəlb edilməsi vasitəsilə onların cəmiyyətə inteqrasiyasına, özünəinam hisslərinin artırılmasına dəstək olmaqdır: “Tədbir “Biz Birik – İnklüziv və sağlam həyat” layihəsi çərçivəsində keçirilib. Qeyri-Hökumət Təşkilatlarına Dövlət Dəstəyi Agentliyini dəstəyi və Azərbaycan Əlil Velosipedçilərə Dəstək İctimai Birliyini təşkilatçılığı ilə olan yürüşdə bir qismi vətən müharibəsi qazisi və ümumi səbəblərdən əlilliyi olan 40-dan çox gənc iştirak edib”.
Sonda layhənin əhəmiyyətindən bəhs edilib. Həmçinin, 26 və 27 oktyabr 2022-ci il tarixlərində Nəzəri və praktiki hissədən ibarət olan təlimdə iştirak etmiş iştirakçılara sertifikatlar təqdim edilib.
