BAYRAQDAR MEDİA – Rusiyanın “Russia Today” (RT) adlı dövlət kanalında xəbər proqramı ilə çıxış edən Anton Krasovski ukraynalı uşaqlarla bağlı iyrənc açıqlamalar verib. Ukraynalı uşaqların çaya atılaraq boğulmasını təklif edən A.Krasovski bununla da soyqırımı dəstəklədiyini açıq şəkildə nümayiş etdirib.
Bununla bağlı məlumatda deyilir ki, A.Krasovski ölkəsinin işğalçılıq siyasətinə haqq qazandırıb. Bu azmış kimi o, “Ukraynalı uşaqları güclü axını olan çaya atıb boğmaq lazımdır, onları daxmaya bağlayıb yandırmaq lazımdır”, – deyib.
A.Krasovskinin bu sözlərinə etiraz edən Ukraynanın xarici işlər naziri Dimitro Kuleba sosial şəbəkə hesabından etdiyi paylaşımda bəzi dövlətlərə də çağırış ünvanlayıb: “RT-nin öz ölkələri ərazisində yayımını hələ də qadağan etməyən hökumətlər bu sitata diqqət etməlidirlər. Bu sözlər ifadə azadlığı ilə heç bir əlaqəsi olmayan aqressiv soyqırım təxribatıdır. Bütün dünyada RT-ni qadağan edin!”.
Xatırladaq ki, işğalçı Rusiyanın dövlət kanalı olan RT Avropa ölkələrindən sanksiyaya məruz qalan qurumlar sırasındadır.
Governments which still have not banned RT must watch this excerpt. This is what you side with if you allow RT to operate in your countries. Aggressive genocide incitement (we will put this person on trial for it), which has nothing to do with freedom of speech. Ban RT worldwide! https://t.co/xJC371rqyg
— Dmytro Kuleba (@DmytroKuleba) October 23, 2022
