Cahit Bağcı: Diqqətinə görə cənab Prezidentə çox təşəkkür edirik
BAYRAQDAR MEDİA – “Xəstələrimizin vəziyyəti yaxşıdır. Onları Türkiyəyə yola saldıq”.
Bu sözlər qardaş Türkiyənin Azərbaycandakı səfiri Cahit Bağcının Twitter hesabındakı paylaşımında öz əksini tapıb.
Cenab Prezident İlham Aliyev
Sayın Başbakanımız Binali Yıldırım,Mlv.Şamil Ayrım beyi ve Koruma Oğuzhan kardeşimizi hastanede ziyaret etmiştir.
Yakın ilgisi ve takibi nedeniyle sayın Cumhurbaşkanına çok teşekkür ediyoruz. Varolsun.
Hastalarımızın durumu iyi.
Türkiyeye uğurladık. pic.twitter.com/I2fDqkRXNB— Cahit Bağcı (@cahitbagci) October 21, 2022
Səfirin paylaşımından bəlli olub ki, oktyabrın 20-də avtomobil qəzası keçirən AK Parti genel başqan yardımçısı, Türk Dövlətləri Təşkilatı Ağsaqqallar Şurasının sədri Binali Yıldırım, millət vəkili Şamil Ayrım və mühafizəçi Oğuzhan Demirci artıq Türkiyəyə yola salınıb.
Xatırladaq ki, oktyabrın 20-də Türkiyə Cümhurbaşqanı Recep Tayyip Erdoğanın Azərbaycana səfərində onu müşayiət edənlər arasında keçmiş baş nazir B.Yıldırım və millət vəkili Ş.Ayrım da vardı. B.Yıldırımla Ş.Ayrımın olduğu avtomobil Cəbrayıldan qayıdarkən qəzaya düşmüşdü və onlar Bakıya gətirilərək Mərkəzi Klinikaya yerləşdirilmişdilər.
C.Bağcı paylaşımında göstərdiyi diqqətə görə Azərbaycan Prezidenti İlham Əliyevə təşəkkür edib. Bu məqamda bildirək ki, Prezident İlham Əliyev oktyabrın 21-də Mərkəzi Klinik Xəstəxanaya gələrək Azərbaycanda yol qəzası keçirən B.Yıldırıma, Ş.Ayrıma və mühafizəçi O.Demirciyə xəstəxanada baş çəkib.
AZƏRTAC-ın məlumatına görə, dövlət başçısı xəsarət alanlarla söhbət edib, onların tezliklə sağalmalarını arzulayıb. B.Yıldırım, Ş.Ayrım və O.Demirci də öz növbəsində qəza yerindən operativ olaraq helikopterlə Bakıya – xəstəxanaya çatdırılmalarına və dərhal tibbi müayinədən keçirilərək müalicə almalarına görə dövlət başçısına və tibb heyətinə dərin minnətdarlıqlarını bildirib.
Sonda onu da qeyd edək ki, bu gün Ş.Ayrım da qəza ilə bağlı Twitter hesabından paylaşım edib. Paylaşımda deyilir: “Azərbaycana səfərimiz zamanı genel başqan yardımçısı Binali Yıldırımla eyni maşında uğursuz yol qəzası keçirdik. Allaha şükürlər olsun ki, vəziyyətimiz yaxşıdır, ehtiyat tədbiri olaraq xəstəxanada nəzarətdəyik. Xoş arzularını göndərən hər kəsə təşəkkür edirik”.
Azerbaycan seyahatimizde Genel Başkan Yardımcımız Sn. Binali Yıldırım ile aynı araçta talihsiz bir trafik kazası geçirdik.
Allah’a şükürler olsun durumumuz iyi,tedbir amaçlı hastanede kontrol altındayız. Geçmiş olsun dileklerini ileten herkese teşekkür ediyorum.@BY
— ŞAMİL AYRIM 🇹🇷 (@samilayrim) October 21, 2022
[…] Səfirdən Azərbaycan Prezidentinə təşəkkür […]