Son yeniləmə: 20 Oktyabr 2022 10:24
Başqırdıstanda silahlı müqavimət hərəkatı yaradıldı
BAYRAQDAR MEDİA – Rusiya-Ukrayna müharibəsi fonunda cərəyan edən proseslər hər keçən gün yeni məcraya daxil olur. Bu müharibə fonunda Rusiyanın daxilindəki digər xalqlar arasında dirəniş də baş qaldırmaqdadır.
Bu istiqamətdə növbəti addım Başqırdıstanda atılıb. Bu barədə Kırım Haber Ajansı məlumat yayıb.
Məlumatda deyilir ki, Başqırdıstanında fəaliyyət göstərən başqırd millətçiləri silahlı müqavimət hərəkatı qurduqlarını açıqlayıblar. Başqırd millətçiləri sosial mediadan yaydıqları açıqlamada kişiləri Ukraynada aparılan müharibəyə qarşı çıxmağa və respublikanın müstəqilliyi uğrunda mübarizə aparmaq üçün müqavimət hərəkatına qoşulmağa dəvət ediblər.
Bununla bağlı açıqlama sosial mediada “Başqırd Müqavimət Komitəsi” adlı anonim hesabdan edilib.
