BAYRAQDAR MEDİA – İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində təbii inhisar subyektlərinin nümayəndələri ilə görüş keçirilib.
Bu barədə BAYRAQDAR MEDİA-ya oktyabrın 18-də Dövlət Xidmətindən məlumat verilib.
Bildirilib ki, görüşdə dövlət nəzarətində olan hərəkətlərlə bağlı razılıq almaq üçün müraciətə baxılma və bununla əlaqədar müvafiq sənəd və məlumatın təqdim olunması ilə bağlı məsələlər müzakirə edilib.
Məlumata əsasən, tədbirdə istehlakçıların mənafelərinə xələl gətirən hərəkətlərin qarşısının alınması, təbii inhisar subyektləri ilə istehlakçılar arasında münasibətlərin optimallaşdırılması məqsədilə Dövlət Xidməti tərəfindən təbii inhisar subyektlərinə nəzarətin həyata keçirildiyi vurğulanıb. Həmçinin, təbii inhisar subyektləri tərəfindən təqdim edilən sənədlərə dair tələblər görüş iştirakçılarının diqqətinə çatdırılıb.
