BAYRAQDAR MEDİA – Kərkük Beynəlxalq Hava Limanı uzun müddətdən sonra rəsmi olaraq istifadəyə verilib.
Açılışı nəqliyyat naziri, baş nazirin nümayəndəsi kapitan Nassir Hüseyn əl-Şimbli, maliyyə nazirinin müavini Hiyam Nimat Köpürlü və Kərkük valisi Rakan Sait Əli əl-Cuburi edib.
Məlumata əsasən, açılışda Birgə Əməliyyatlar Komandanı, general-leytenant Əli əl-Freci, Qubernatorun texniki işlər üzrə müavini mühəndis Əli Hammadi, Kərkük polis müdiri general-mayor Kava Qarip və Mülki Aviasiya İdarəsinin və sərhəd-keçid məntəqəsinin rəsmiləri iştirak ediblər.
İraq Türkmən Cəbhəsi Kərkük millət vəkili Ərşad Salihi isə bununla bağlı sosial media hesabından açıqlama verib: “Uzun illərdir hər şey hazır olsa da, açılmayan və açdırılmayan Kərkük Beynəlxalq Hava Limanı nəhayət açıldı. Artıq Kərkükə birbaşa uşmaq olar, Kərkükdən dünyaya uçmaq olar. Təbrik edirəm”.
Uzun yıllardır her şeyi hazır olmasına rağmen bir türlü açılmayan, açtırılmayan Uluslararası Kerkük Havalimanı sonunda açılışı gerçekleşti.
Kerkük’e artık direkt olarak ulaşılabilir, Kerkük’ten dünyaya uçulabilir.
Kutlu olsun…
— Erşat Salihi – أرشد الصالحي (@Ersatsalihi) October 16, 2022
