Son yeniləmə: 17 Oktyabr 2022 10:12
BAYRAQDAR MEDİA – Makedoniya Radio Televiziyasının (MRT) direktoru Maryan Svetkovski Quzey Makedoniyanın 2023 Avroviziya Mahnı Müsabiqəsində iştirak etməyəcəyini açıqlayıb.
Bununla bağlı məlumatda deyilir ki, M.Svetkovski, “bəli, Avroviziya müsabiqəsinə qatılmayacağıq. Qeydiyyat haqqını ödəməmişik. Ən böyük problem Böyük Britaniyada səyahət və qalma xərclərinin yüksək olmasıdır. Ona görə də biz “Avroviziya”da iştirak üçün ödənməli olan məbləği elektrik enerjisi pulunun ödənməsinə yönəltdik” deyib.
O da vurğulanır ki, Quzey Makedoniya müstəqillik əldə etdikdən sonra ilk dəfə Avroviziya Mahnı Müsabiqəsində iştirak etməyəcək.
