BAYRAQDAR MEDİA – Türk Dövlətləri Təşkilatına üzv dövlətlərin xarici işlər nazirləri toplaşır.
Bu haqda xəbəri TDT yayıb.
Xəbərə görə, nazirlər oktyabrın 17-də qardaş Türkiyənin İstanbul şəhərində bir araya gələcək.
Qeyd edək ki, toplantıda TDT-nin tam hüquqlu üzvü olan Azərbaycan, Qazaxıstan, Qırğızıstan, Özbəkistan və Türkiyə, həmçinin müşahidəçi üzvlər Türkmənistan və Macarıstan xarici işlər nazirlərinin iştirakı gözlənilir.
Onu da əlavə edək ki, noyabrın 11-də qardaş Özbəkistanın Səmərqənd şəhərində türk dövlətlərinin zirvəsi keçiriləcək. Gələn xəbərlərə görə, Səmərqənd zirvəsində qardaş Türkmənistanın TDT-yə tam hüquqlu üzv olması barədə qərar veriləcək. Daha bir qərar isə qardaş Kuzey Kıbrıs Türk Cümhuriyyəti ilə bağlı olacaq. Bildirilir ki, KKTC TDT-yə müşahidəçi üzvlüyə qəbul ediləcək.
