Son yeniləmə: 14 Oktyabr 2022 10:33
BAYRAQDAR MEDİA – Bakı Şəhər Mədəniyyət Baş İdarəsi Sabunçu rayon Mərkəzləşdirilmiş Kitabxana Sisteminin Mərkəzi Kitabxanasında məktəbli oxucular arasında böyük Azərbaycan şairi Hüseyn Cavidin 140 illiyinə həsr olunmuş şeir müsabiqəsinin ikinci turu keçirilib.
Baş İdarədən verilən məlumata görə, müsabiqənin ikinci turunda M.Ə.Sabir adına 259 nömrəli tam orta məktəbin şagirdi Fatimə Quliyeva Hüseyn Cavidin “Benim Tanrım” adlı şeirini səsləndirərək finala vəsiqə qazanıb.
Qeyd edilib ki, müsabiqənin keçirilməsində məqsəd məktəbli oxucular arasında mütaliənin təbliği və onların bilik dairəsinin genişləndirilməsi, həmçinin istedadlı uşaqların aşkarlanmasıdır.
