BAYRAQDAR MEDİA – Prezident İlham Əliyevin qardaş Qırğızıstana səfərinin ikinci günü də məhsuldar olub. Xatırladaq ki, səfərin ilk günü – oktyabrın 11-i zəngin proqramla diqqət çəkmişdi.
İlham Əliyevin Qırğızıstan səfərinin ilk günü məhsuldar olub
Prezidentin Mətbuat xidmətinin oktyabrın 12-də yaydığı xəbərə görə, İ.Əliyev Qırğızıstan Prezidenti Sadır Caparovla birlikdə Bişkekdə Heydər Əliyev adına 20 saylı məktəb-gimnaziyanın açılışında iştirak edib. Prezidentlər burada çıxış edib, şagirdlərə yeni təhsil ilində uğurlar diləyiblər. Ardından da məktəblə tanışlıq olub, uşaqlarla xatirə şəkli çəkdirilib.
Daha sonra prezidentlər Bişkekdə daha bir təhsil ocağının – Nizami Gəncəvi adına 103 saylı məktəbin açılış mərasiminə qatılıb. Burada da məktəblə tanışlıq olub, xoş sözlər söylənib.
Məktəblərin açılışından sonra İ.Əliyev Qırğızıstan Prezidentinin hazırladığı mədəni proqramda iştirak edib. Ölkə başçıları Bişkekdəki “Ala-Arça” Dövlət Təbiət Parkı ilə tanış olub, burada istirahət ediblər.
Bununla da İ.Əliyevin qardaş ölkəyə dövlət səfəri başa çatıb və o, ölkədən ayrılıb. “Manas” Beynəlxalq Hava Limanında İ.Əliyevi Qırğızıstan Prezidenti S.Caparov şəxsən yola salıb.
