İlham Əliyevin Qırğızıstan səfərinin ilk günü məhsuldar olub

BAYRAQDAR MEDİA – Xəbər verdiyimiz kimi, Prezident İlham Əliyev oktyabrın 11-də qardaş Qırğızıstana rəsmi dövlət səfərinə gəlib.

İlham Əliyevin qardaş ölkəyə dövlət səfəri başlayıb

Prezidentin Mətbuat xidmətinin verdiyi xəbərə görə, İ.Əliyev səfər çərçivəsində Bişkekdə “Ata-Beyit” Milli Tarixi-Memorial Kompleksini ziyarət edib, abidə önünə əklil qoyub. O, burada görkəmli qırğız yazıçısı Çingiz Aytmatovun məzarını da ziyarət edib.

Bundan sonra Bişkekdə Prezident İ.Əliyevin rəsmi qarşılanma törəni olub.

Ardından da Azərbaycanla Qırğızıstan arasında Birinci Dövlətlərarası Şuranın məhdud tərkibdə iclası keçirilib.

Məhdud iclasdan sonra heyətlər geniş tərkibdə toplantıya qatılıb.

Müzakirələrdən sonra iki dövlət arasında mühüm sənədlər imzalanıb.

İmzalanma mərasimindən sonra iki dost ölkənin prezidentləri mətbuata bəyanatlarla çıxış edib.

Günün sonunda isə ölkə başçıları Bişkekdə Qırğızıstan-Azərbaycan Dostluq Parkının rəsmi açılışını gerçəkləşdirib.