BAYRAQDAR MEDİA – Qardaş Türkiyədə ictimai nəqliyyatda yeni ödəmə sistemi işə salınıb. Bu sistem oktyabrın 10-dan etibarən Eskişehirdə tətbiq olunur.
Məlumata əsasən, Eskişehir Böyükşəhər Bələdiyyəsi Yüngül Raylı Sistem İdarəsi (ESTRAM) “Elektron Ödəniş Toplama Sistemi” infrastrukturu və cihazların yenilənməsi ilə başlayan yeni tətbiq haqqında açıqlama verib. Həmin açıqlamada yeni sistemin təfərrüatları izah edilib.
Bəlli olub ki, oktyabrın 10-dan etibarən sərnişinlər şəhər daxilindəki ictimai nəqliyyat növlərində keçərli olan birdəfəlik QR bilet və ya 2-3-4-5 gedişhaqqı yüklənmiş kartlardan istifadə edə biləcəklər. 10 TL olan birdəfəlik OR biletlər alındıqdan sonra 24 saat ərzində istifadə etmək mümkün olacaq.
Şəhər rəhbərliyi bu qərarın ictimai nəqliyyatda Eskart istifadə etməyən, tez-tez ictimai nəqliyyata üstünlük verməyən və şəhər xaricindən gələn qonaqlar üçün yararlı olacağını düşünür.
O da bildirilib ki, 2-3-4-5 gedişlik biletləri üçün vaxt məhdudiyyəti olmayacaq. Burada müvafiq olara 2 gedişlik biletinin qiyməti: 22 TL, 3 gedişlik biletib qiyməti 33 TL və s. olacaq.
