Ceferino Valdez: Biz türklərlə qohumuq
BAYRAQDAR MEDİA – Paraqvayın Ankaradakı səfiri Ceferino Valdez maraqlı açıqlama verib. O, iki xalqın qohum olduğunu bildirib.
Bununla bağlı məlumatda deyilir ki, səfir Türkiyə ilə diplomatik, siyasi və iqtisadi əlaqələr başda olmaqla bir çox mövzuda Anadolu Ajansının suallarını cavablandırıb. Türk xalqı ilə Paraqvay xalqının ortaq dəyərlərinə toxunanan C.Valdez, “Biz tarixdən əvvəlki dövrlərdən türklərlə qohumuq. Biz Ural-Altay irqinə mənsubuq”, – deyib.
Diplomat xüsusilə bu səbəbdən türkcə öyrənmək istədiyini bildirib. Türk dilinə böyük heyran olduğunu deyən səfir 40 ildən artıqdır ki, Hitt İmperatorluğu haqqında mütaliə etdiyini qeyd edib.
O, yaxın vaxtlarda Türkiyə ilə Paraqvay arasında yüksək səviyyəli səfərlərin və razılaşmaların həyata keçiriləcəyini bildirib: “Türkiyə ilə imzalanması lazım olan bir çox müqavilələrimiz var”.
