Son yeniləmə: 6 Oktyabr 2022 11:02
BAYRAQDAR MEDİA – İqtisadiyyat Nazirliyi yanında Dövlət Vergi Xidməti (DVX) vergi qanunvericiliyinin və inzibatçılığının təkmilləşdirilməsi prosesi çərçivəsində sahibkarlar və onların ictimai birlikləri ilə əməkdaşlığı davam etdirir.
DVX-dən BAYRAQDAR MEDİA-ya verilən məlumata görə, Azərbaycanda Amerika Ticarət Palatasının (“AmCham Azerbaijan”) təşəbbüsü və Dövlət Vergi Xidmətinin nümayəndələrinin iştirakı ilə geniş tərkibli görüş keçirilib.
Bildirilib ki, “AmCham Azerbaijan”ın Vergi və Gömrük Komitəsinin təşkil etdiyi tədbirin müzakirə mövzusu beynəlxalq vergitutma sahəsində gözlənilən yeniliklər olub. “Palataya daxil olan 60-dan çox şirkətin iştirak etdiyi görüşdə Dövlət Vergi Xidmətinin nümayəndələri təqdimatla çıxış edib, beynəlxalq vergitutma sahəsində gözlənilən yeniliklər, BEPS Planının mahiyyəti və həyata keçirilməsinin ölkəmizə faydaları, transfer qiymətləri, nəzarət olunan xarici müəssisələrlə bağlı ətraflı məlumat veriblər. Tədbir iştirakçılarının qeyd edilən məsələlərlə əlaqədar çoxsaylı sualları cavablandırılıb, müvafiq izahlar olunub. Xatırladaq ki, 1996-cı ildən fəaliyyət göstərən “AmCham Azerbaijan”ın ölkə iqtisadiyyatının ayrı-ayrı sektorlarında çalışan 260-dan üzvü var”.
