BAYRAQDAR MEDİA – Bolqarıstanda əksəriyyəti türk və müsəlmanlardan ibarət olan Hüquq və Azadlıqlar Hərəkatı (HÖH) oktyabrın 2-də keçiriləcək növbədənkənar parlament seçkiləri ilə bağlı təşviqat prosesini başa çatdırıb.
Bu arada HÖH-in sədri Mustafa Karadayı millət vəkili namizədləri ilə birlikdə ölkənin cənub-qərbində yerləşən Satovça rayonunda olub. O, 2 min 800 müsəlmanın yaşadığı Vılkosel kəndində vətəndaşları seçkilərdə sıx iştirak etməyə çağırıb.
Məlumata əsasən, seçkiqabağı kampaniyanl Anadolu Ajansına dəyərləndirən M.Karadayı, “Bu seçkidən sonra formalaşacaq 48-ci (240 üzv) parlamentdə HÖH-in ən az 48 millət vəkili olmasını hədəfləyirik”, – deyib.
O, daha sonra bildirib: “İqtisadiyyat, sosial, maliyyə, enerji və səhiyyə sektorlarındakı böhranları aşmaq üçün ilk növbədə siyasi böhranı aşmalıyıq. Təəssüf ki, Bolqarıstanda bu böhran 13 ildir davam edir”.
Məlumat üçün bildirək ki, təxminən 1 milyon türk və müsəlmanın yaşadığı 6,52 milyon əhalisi olan Bolqarıstanda oktyabrın 2-si bazar günü keçiriləcək növbədənkənar parlament seçkilərinə 22 siyasi partiya və 6 koalisiya qatılıb. Mərkəzi Seçki Komissiyası bildirib ki, səsvermə ölkə daxilində 9 min 400, xaricdə isə 290 yerdə rəqəmsal şəkildə aparılacaq.
Seçkidə ölkə daxilində və xaricdə rəqəmsal mühitdə səs verməyə imkan verəcək cəmi 11 min 63 maşın istifadə olunacaq. Əsasən rəqəmsal şəkildə keçiriləcək seçkilər üçün hər ehtimala qarşı 8 milyon kağız bülleten çap edilib.
Xaricdə yaradılacaq seçki məntəqələrinı nəzərə alsaq, Türkiyə 166 ilə birinci yeri tutacaq. Böyük Britaniyada 126, Almaniyada 77, İspaniyada 65, Yunanıstanda 77, Amerikada 55 seçki məntəqəsi olacaq. Ruisyadakı vəziyyətə görə ancaq Moskva və Sankt-Peterburqda seçicilərə səs vermək imkanı veriləcək.
[…] Bolqarıstan yenə də seçkiyə gedir […]