BAYRAQDAR MEDİA – Oktyabrın 1-də ASAN Könüllülərin “Könüldən Zəfərə” adlı payız məktəbi başlayacaq. Layihə “ASAN Könüllüləri” Təşkilatının təşkilatçılığı, Gənclər və İdman Nazirliyi, Göygöl Rayon İcra Hakimiyyəti, Gənclər Fondu və Azərbaycan Könüllü Təşkilatları İttifaqının tərəfdaşlığı ilə Göygöl Olimpiya İdman Kompleksində keçiriləcək.
Gənclər və İdman Nazirliyindən verilən məlumata görə, layihənin məqsədi gənclərdə vətənpərvərlik hisslərinin yüksəldilməsi, gənclər arasında yeni dostluq əlaqələrinin qurulması, onlar arasında şəbəkələşmənin təmin olunması, gənclərin asudə vaxtlarının səmərəli keçirilməsi, nümunəvi vərdişlərin qazanılması və dünyagörüşlərinin artırılmasıdır.
Payız məktəbi oktyabrın 5-dək davam edəcək.
