BAYRAQDAR MEDİA – I və II Qarabağ müharibəsi əlillərindən ibarət 352 şəxsə 367 yüksək texnologiyalı müasir protezlər verilib.
Bu barədə BAYRAQDAR MEDİA-ya sentyabrın 30-da Əmək və Əhalinin Sosial Müdafiəsi Nazirliyindən məlumat verilib.
Qeyd edilib ki, Vətən müharibəsindən sonrakı dövrdə Prezident İlham Əliyevin tapşırığı ilə Nazirlik şəhid olan qəhrəmanların ailələri, müharibə iştirakçıları ilə bağlı genişmiqyaslı sosial dəstək paketi həyata keçirir:
“Bu tədbirlərin tərkib hissəsi kimi postmüharibə dövründə 11 min nəfərə 34 min sosial-psixoloji dəstək və reabilitasiya xidməti, o cümlədən 2 min 554 nəfərə reabilitasiya müəssisələrində xidmətlər göstərilib. I və II Qarabağ müharibəsi əlillərindən ibarət 352 şəxsə 367 yüksək texnologiyalı müasir protezlər verilib”.
Bildirilib ki, 1 min 605 müharibə əlili 25 min reabilitasiya vasitəsi ilə təmin olunub, 3 minədək ailənin üzvlərinə psixoloji dəstək göstərilib.
