BAYRAQDAR MEDİA – BMT-nin Cenevrədəki Ofisində BMT-nin İnsan Hüquqları Şurasının 51-ci sessiyası keçirilib.
Sessiyada videoformatda çıxış edən əmək və əhalinin sosial müdafiəsi naziri Sahil Babayev əhalinin rifahının ardıcıl olaraq yaxşılaşdırılmasının Azərbaycanın sosial-iqtisadi siyasətinin əsas prioritetlərindən olduğunu vurğulayıb.
Bu barədə BAYRAQDAR MEDİA-ya Əmək və Əhalinin Sosial Müdafiəsi Nazirliyindən məlumat verilib.
Bildirilib ki, nazir əlilliyi olan şəxslərin sosial müdafiəsi, reabilitasiyası və cəmiyyətə inteqrasiyası istiqamətində Azərbaycanda həyata keçirilən işlər barədə Şura üzvlərini məlumatlandırıb.
