BAYRAQDAR MEDİA – İqtisadiyyat naziri Mikayıl Cabbarov Almaniya Federativ Respublikasının Azərbaycana yeni təyin olunan fövqəladə və səlahiyyətli səfiri Ralf Horlemannla görüşüb.
Bu barədə BAYRAQDAR MEDİA-ya sentyabrın 28-də Nazirlikdən məlumat verilib.
Qeyd edilib ki, nazir yeni təyinatı münasibətilə səfiri təbrik edərək, Azərbaycan-Almaniya tərəfdaşlığının inkişafı istiqamətində fəaliyyətində uğurlar arzulayıb: “Azərbaycanın Avropa Birliyi ölkələri, xüsusilə Almaniya ilə əməkdaşlığa böyük önəm verdiyi vurğulanıb, iqtisadi əlaqələrin genişlənməsində Ticarət və İnvestisiyalar üzrə Almaniya-Azərbaycan Yüksək Səviyyəli İşçi Qrupun, Alman-Azərbaycan Xarici Ticarət Palatasının rolu qeyd edilib”.
Səfir Ralf Horlemann ölkəsinin Azərbaycanla əlaqələrin inkişafında maraqlı olduğunu diqqətə çatdırıb, əməkdaşlığın inkişafı perspektivləri barədə fikirlərini bölüşüb: “Görüşdə Azərbaycan-Almaniya iqtisadi tərəfdaşlığının mövcud vəziyyəti və inkişafı istiqamətləri, Tvinninq layihələri,investisiya, enerji və biznesə dəstək sahəsində əlaqələrin genişləndirilməsi imkanları barədə fikir mübadiləsi aparılıb”.
