BAYRAQDAR MEDİA – Zəfərə gedən yolda cəsarətlə vuruşaraq xalqımıza qələbə sevincini yaşadanlar sırasında cəsur dəmiryolçular da var. Dəmiryolçulardan dördü – Aqil Bağırov, İlqar Vəliyev, Vüqar Məmmədov və Asif Qocayev isə qəhrəmancasına vuruşaraq şəhidlik zirvəsinə yüksəlib.
Bu barədə BAYRAQDAR MEDİA-ya sentyabrın 27-də “Azərbaycan Dəmir Yolları” QSC-dən məlumat verilib.
Bildirilib ki, 44 günlük döyüş yolu keçmiş, ölümündən sonra “Vətən uğrunda”, “Cəsur döyüşçü” və “Şuşanın azad olunmasına görə” medalları ilə təltif olunmuş dəmiryolçu Asif Qocayev Şuşa ətrafında gedən döyüşlər zamanı digər yaralı yoldaşlarını təxliyə edərkən şəhid olub.
“Azərbaycan Dəmir Yolları” QSC-nin nümayəndələri şəhid A.Qocayevin ailəsi ilə görüşüb və cəsur döyüşçünün zəfər yolu haqqında video paylaşıb.
