BAYRAQDAR MEDİA – Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə 27 Sentyabr – Anım Günü ilə əlaqədar ulu öndər Heydər Əliyevin məzarı, Şəhidlər xiyabanı və İkinci Şəhidlər xiyabanı ziyarət olunub.
Bu barədə BAYRAQDAR MEDİA-ya sentyabrın 26-da Agentlikdən məlumat verilib.
Qeyd edilib ki, ziyarətdə Prezident Administrasiyasının Qeyri-hökumət təşkilatları ilə iş və kommunikasiya şöbəsinin sektor müdiri, Agentliyin Müşahidə Şurasının sədr müavini Vüsal Quliyev, Müşahidə Şurasının üzvləri, Agentliyin əməkdaşları, qeyri-hökumət təşkilatlarının 500-ə yaxın nümayəndəsi iştirak ediblər: “Ziyarət iştirakçıları ümummilli lider Heydər Əliyevin, ərazi bütövlüyümüzün qqprunması və bərpası uğrunda mübarizədə şəhid olmuş qəhrəman Vətən övladlarının xatirəsini ehtiramla anıb, məzarları üzərinə gül dəstələri qoyublar. Bildirilib ki, dünya hərb tarixinə həkk olunan misilsiz şücaətlər nümayiş etdirərək şəhidlik zirvəsinə ucalmış qəhrəman igidlərimizin əziz xatirəsi xalqımızın qəlbində əbədi yaşayacaq”.
