BAYRAQDAR MEDİA – Ermənistanın son təxribatı türk dünyasında ciddi təəssüf və etirazla qarşılanıb. Bundan öncəki xəbərlərdə qeyd etdiyimiz kimi, bu təxribat nəticəsində şəhid olan Azərbaycan əsgərləri ilə bağlı qardaş Türkiyədən də başsağlığı və dəstək mesajları gəlməkdə davam edir.
Bu arada bəlli olub ki, baş verənlər Denizlidə də ciddi təəssüf hissi ilə qarşılanıb. Denizli Böyükşəhər Bələdiyyəsinin başqanı Osman Zolan Twitter hesabından başsağlığı mesajı yayımlayıb.
Azerbaycan-Ermenistan sınır hattındaki çatışmalarda şehit düşen can Azerbaycanın kahraman mehmetçiklerimize Allah’tan rahmet, yaralı evlatlarımıza acil şifalar diliyorum.
Can Azerbaycan'a başsağlığı ile sabır diliyorum. Yüreğimizde acımızda bir… 🇦🇿🇹🇷🇦🇿🇹🇷
— Osman ZOLAN 🇹🇷 (@osmanzolan) September 13, 2022
Bu barədə BAYRAQDAR MEDİA-ya Denizlidəki Pamukkale Universitetində təhsil alan Şəmsiyə İsmayıllı məlumat verib. Onun sözlərinə görə, baş verənlər təkcə Denizlidə təhsil alan azərbaycanlı tələbələr deyil, ümumilikdə bu şəhərdəki hər kəs tərəfindən hüznlə qarşılanıb: “Qeyd edim ki, başda bələdiyyə başqanı Osman Zolan olmaqla Denizli sakinləri, o cümlədən təhsil aldığım Pamukkale Universitetinin rəhbərliyi və müəllim heyəti hər zaman Azərbaycana xüsusi diqqətlə yanaşıb. Bu dəfə də eyni diqqəti görürük”.
Ş.İsmayıllının sözlərinə görə, O.Zolan Twitter hesabından paylaşdığı başsağlığı mesajında aşağıdakıları qeyd edib: “Azərbaycan-Ermənistan sərhəd xəttində baş verən döyüşlərdə şəhid olan Azərbaycanın qəhrəman əsgərlərinə Allahdan rəhmət, yaralı övladlarımıza şəfa diləyirəm. Can Azərbaycana başsağlığı ilə səbr diləyirəm. Ürəyimiz də, acımız da bir…”.
Azerbaycan-Ermenistan sınırındaki çatışmalarda hayatlarını yitiren Azerbaycan ordusunun kahraman şehitlerine Allah’tan rahmet, aileleri ve yakınlarına sabır, kardeş Azerbaycan halkına başsağlığı dileriz!
🇦🇿🇹🇷#CanAzerbaycan— Pamukkale Üniversitesi (@pauedutr) September 13, 2022
Bildirildiyi kimi Pamukkale Universiteti də Azərbaycanın bu günündə növbəti dəfə dəstəyini ifadə edib: “Daha bir başsağlığı mesajı Pamukkale Universiteti tərəfindən yayımlanıb. Universitetin Twitter hesabında “Can Azərbaycan” həştəgi ilə edilən paylaşımda “Azərbaycan-Ermənistan sərhədində baş verən toqquşmalarda həyatını itirən Azərbaycan ordusunun qəhrəman şəhidlərinə Allahdan rəhmət, ailələrinə və yaxınlarına səbr, qardaş Azərbaycan xalqına başsağlığı diləyirik!” sözləri öz əksini tapıb”.
