Son yeniləmə: 14 Sentyabr 2022 15:48
BAYRAQDAR MEDİA – 2021-ci ildə Türkiyədən alınan Bayraktar TB2 silahlı pilotsuz uçuş aparatları (SİHA) üçün Qırğızıstanda baza yaradılıb.
Bu barədə Türkmeneli TV məlumat yayıb.
Bildirilib ki, Prezident Sadır Çaparov Qırğızıstan Milli Təhlükəsizlik Dövlət Komitəsinin Sərhəd Xidmətinə məxsus Bayraktar TB2 SİHA-lar üçün yaradılmış bazanın açılışında iştirak edib.
Milli Təhlükəsizlik Dövlət Komitəsinin sədri general Kamçibek Tasiyevin də iştirak etdiyi açılış mərasimində S.Çaparov Bayraktar TB2 SİHA-nın üzərinə imza da atıb: “S.Çaparov buradakı çıxışında sülh və sabitliyin ölkə sərhədlərindən başladığını bildirərək, bazanın hava və sərhəd müdafiəsi vəzifələrini yerinə yetirəcəyini vurğulayıb. Bazada S.Çaparova dövlət sərhədinin mühafizəsi ilə məşğul olan SİHA-ların fəaliyyəti barədə məlumat verilib.
