Son yeniləmə: 14 Sentyabr 2022 12:01
Güney Azərbaycan Təşkilatlari İşbirliyi Mərkəzinin başsağliği və dəstək bəyanatı
BAYRAQDAR MEDİA – “Sentyabrın 12-si gecə və 13-ü səhər saatlarında öz dəstəkçilərinin məkrli planlarına uyan Ermənistan terrorist hakimiyyəti Azərbaycana qarşı növbəti irimiqyaslı təxribat törədib”.
Bu fikirlər Güney Azərbaycan Təşkilatlari İşbirliyi Mərkəzinin Azərbaycan xalqına başsağlı və dəstək bəyanatında öz əksini tapıb.
Araz News xəbər verir ki, bəyanatda daha sonra deyilir: “İşğalçı Ermənistanın silahlı terrorist ordusu Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərini atəşə tutub. Bu təxribatın qarşısı alınarkən Azərbaycan Ordusu itkilər verib və 50 hərbçimiz şəhid olub. Güney Azərbaycan Təşkilatları İşbirliyi Mərkəzi Ali Baş komandan cənab İlham Əliyev başda olmaqla Milli Ordumuza, Vətənimiz Azərbaycan uğrunda şəhid olan qəhrəman hərbçilərimizin ailələrinə və millətimizə dərin hüznlə başsağlığı verir, yaralılarımıza Allahdan şəfa diləyir”.
“Biz Güney Azərbaycan təşkilarları olaraq Azərbaycan dövlətçiliyinin, onun ərazi bütövlüyünün və müzəffər Azərbaycan ordusunun yanındayıq. Düşmənlərimiz bilsinlər ki, dünyada və Güney Azərbaycanda yaşayan milyonlarla igid Azərbaycan türkü Vətənimiz Azərbaycan uğrunda canlarından keçməyə, düşməndən şəhidilərimizin qisasını almağa və Ermənistana bu təcavüzün bədəlini ən ağır şəkildə ödətməyə hazırdırlar”, – deyə bəyanatda daha sonra bildirilir.
Qeyd edək ki, bəyanatı aşağıdakı təşkilatlar imzalayıb:.
Azadlıq Cəbhəsi (GAMAC)
Azərbaycan Mərkəz Partiyası (AMP)
Azərbaycan Milli Dirəniş Təşkilatı (Dirəniş)
Azərbaycan Öyrənci Hərəkatı (AZOH)
Güney Azərbaycan Demokrat Partiyası (GADP)
Güney Azərbaycan İstiqlal Partiyası (GAİP)
Güney Azərbaycan Liberal Demokrat Partiyası (GALDP)
Güney Azərbaycan Demokratik Türk Birliyi (GADTB)
