BAYRAQDAR MEDİA – Yeni tədris ilində Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən ümumi təhsil müəssisələri üzrə ümumilikdə, 484 min 731 şagird təhsil alacaq.
Bu barədə BAYRAQDAR MEDİA-ya sentyabrın 13-də qurumun mətbuat xidmətindən məlumat verilib.
Bildirilib ki, BŞTİ-nin tabeliyindəki ümumi təhsil məktəblərinin I sinfində 46 MİN 200, IX sinfində 37 MİN 987, X sinfində 26 MİN 898, XI sinfində 25 MİNJ 551, XII sinfində 168 şagirdin təhsil alacağı proqnozlaşdırılır: “BŞTİ-nin tabeliyində fəaliyyət göstərən məktəbəqədər təhsil müəssisəslərinə 35 MİN 722 uşağın, ümumi təhsil müəssisələrinin məktəbəhazırlıq qruplarına isə 29 MİN 320 beşyaşlının cəlb olunacağı gözlənilir. 2022-2023-cü tədris ilində BŞTİ-nin tabeliyində fəaliyyət göstərən ümumi təhsil müəssisələrində 28 MİN 739 müəllim, məktəbəqədər təhsil müəssisəslərində isə 4 MİN 299 tərbiyəçi-müəllim çalışacaq”.
Qeyd edilib ki, BŞTİ-nin tabeliyində 312 ümumi təhsil məktəbi, 3 xüsusi tipli ümumi orta məktəb və 5 əyani-qiyabi axşam məktəbi olmaqla, cəmi 320 məktəb və 340 məktəbəqədər təhsil müəssisəsi fəaliyyət göstərir.
