Son yeniləmə: 31 Avqust 2022 10:44
BAYRAQDAR MEDİA – Azərbaycan xalq və bəstəkar mahnılarından ibarət “Azərbaycan musiqisinin inciləri” adlı kitab işıq üzü görüb. Kitab Azərbaycan Diasporuna Dəstək Fondunun təşəbbüsü və maliyyə dəstəyi ilə ərsəyə gəlib.
Bu barədə BAYRAQDAR MEDİA-ya Diasporla İş üzrə Dövlət Komitəsindən məlumat verilib.
Bildirilib ki, kitab Azərbaycan və ingilis dillərində tərtib edilib: “Kitaba 50 xalq və 32 bəstəkar mahnısı daxil edilib. Görkəmli bəstəkarlarımız və müxtəlif xalq mahnıları haqqında ətraflı məlumat öz əksini tapıb, bütün əsərlərin notları təqdim edilib. Professor Fərhad Bədəlbəyli kitaba ön söz yazıb”.
Qeyd edilib ki, “Azərbaycan musiqisinin inciləri” kitabının xaricdə yaşayan soydaşlarımıza, diaspor təşkilatlarına, Azərbaycan Evlərinə göndərilməsi nəzərdə tutulub.
