Son yeniləmə: 29 Avqust 2022 12:08
Prof. Dr. Şükrü Beydemir valideynlər və gənclərlə görüşəcək
BAYRAQDAR MEDİA – Qardaş Türkiyənin Bilecik Şeyh Edebali Universitetinin rektoru Prof. Dr. Şükrü Beydemir Azərbaycanda səfərdədir. Səfər çərçivəsində rektor bu universitetdə təhsil alan, yaxud da almaq istəyən azərbaycanlı gənclər və onların valideynləri ilə görüşəcək.
Bu barədə BAYRAQDAR MEDİA-ya rektorun Bakıya səfərinin təşkilatçısı “HAKA Grup”dan məlumat verilib.
Bildirilib ki, görüşdə öncə Universitet haqqında təqdimat məlumatları şifahi olaraq çatdırılacaq: “Eyni zamanda ali təhsil müəssisə haqqında müxtəlif vizual təqdimatlarlar olacaq. Daha sonra isə iştirakçıların Türkiyədə universitet təhsili prosesləri ilə bağlı sualları rektor tərəfindən şəxsən cavablandırılacaq, Türkiyədə universitet təhsili prosesləri ilə bağlı suallar cavablandırılacaq”.
Qeyd edilib ki, 2011-ci ildə fəaliyyətə başlayan HAKA Group müştərək xidmətlər, xarici dil kursları və məsləhət xidmətlərini bir mərkəzdə birləşdirir. HAKA-nın təqdim etdiyi bu fərqli xidmətlər arasında xaricdə, o cümlədən Türkiyədə təhsil xüsusi yer tutur.
Xatırladaq ki, HAKA Group-un təşkilatçılığöı ilə avqustun əvvəlində Yozgat Bozok Univeristetinin rektoru Prof. Dr. Ahmet Karadağ da Azərbaycanda səfərdə olmuşdu.
