Son yeniləmə: 23 Avqust 2022 14:01
BAYRAQDAR MEDİA – Bakı şəhərində yeni psixoloji hazırlıq mərkəzi – “İşıq Psixoloji və Nitq İnkişaf Mərkəzi” fəaliyyətə başlayıb. Mərkəzdə loqoped-defoktoloq, kiçik motorika inkişafı, erkən inkişaf, qrup terapiyası, məktəbəqədər montessori təlimi, diqqət, yaddaş inkişafı, mental arfimetika dərsləri sahəsində bir sıra xidmətlər göstərilir.
Bu barədə BAYRAQDAR MEDİA-ya KOBİA-dan məlumat verilib.
Bildirilib ki, “İşıq Psixoloji və Nitq İnkişaf Mərkəzi” psixoloji hazırlıq müəsissəsinin yaradılmasına dövlət dəstəyi KOBİA vasitəsilə təmin edilib: “Belə ki, KOBİA tərəfindən mərkəzin yaradılmasına məsləhət, lisenziyanın alınması, işçilərin əmək müqaviləsinin bağlanması ilə bağlı dövlət qurumları ilə əlaqələndirmə, vergi qeydiyyatından keçərək VÖEN əldə olunması, Sumqayıt KOB İnkişaf Mərkəzi tərəfindən təşkil edilmiş təlimlərdə iştirak, korporativ idarəetmə və s. təlimlərdə iştirakın təmin edilməsi, marketinq istiqamətlərində dəstək və xidmətlər göstərilib”.
Qeyd olunub ki, “İşıq Psixoloji və Nitq İnkişaf Mərkəzi”nin fəaliyyətinin genişləndirilmə üçün KOBİA tərəfindən müəssisəyə dövlət dəstəyi davam etdiriləcəkdir.
